कैवल्यधाम’च्या शताब्दीपूर्तीनिमित्त आरबीआय गव्हर्नर यांच्या हस्ते रू. 100 च्या विशेष नाण्याचे अनावरण
1924 पासून, कैवल्यधाम हे योगास प्रासंगिक आणि सर्वांसाठी प्रवेशयोग्य बनवण्याच्या, परंपरा आणि विज्ञान यांचे मिश्रण करण्याच्या मिशनला समर्पित आहे. या अग्रगण्य संस्थेने अत्याधुनिक वैज्ञानिक संशोधनासह योगिक परंपरेतील कालातीत शहाणपणाला जोडले आहे. गेली अनेक वर्षे, त्याने अथकपणे लोकांचे आरोग्य आणि कल्याण वाढवण्यासाठी काम केले आहे, ज्यामुळे जगभरातील असंख्य जीवनांवर परिणाम झाला आहे.
या विशेष नाण्याच्या अनावरणाला श्री. शक्तिकांत दास यांच्यासह माजी कॅबिनेट मंत्री आणि कैवल्यधामच्या शताब्दी समितीचे चेअरमन श्री. सुरेश प्रभू, कैवल्यधामचे चेअरमन श्री. ओ. पी. तिवारी तसेच बँकिंग व फायनान्स उद्योग क्षेत्रातील प्रसिद्ध मान्यवर उपस्थित होते.
आरबीआय गव्हर्नर श्री. शक्तिकांत दास यांनी योगाबद्दल सांगताना स्वत:चे ज्ञान आणि अनुभव शेअर करत सांगितले, " योग केवळ अभ्यासाच्या पलीकडे आहे; हा जीवनाचा एक मार्ग आहे जो व्यक्ती आणि समाज दोघांमध्ये सकारात्मक बदल घडवून आणण्यास सक्षम आहे. या उदात्त हेतूसाठी कैवल्यधामाचे अटूट आणि शतकानुशतके समर्पण खरोखरच प्रशंसनीय आहे आणि या उत्सवाचा भाग असल्याचा मला सन्मान वाटतो. हे स्मरणार्थी नाणे कैवल्यधामाने वैज्ञानिक संशोधनाच्या आधारे योगाच्या प्रचारात केलेल्या महत्त्वपूर्ण योगदानाची साक्ष आहे. आजचा कार्यक्रम कैवल्यधामा आणि इतरांशी जोडलेल्या प्रत्येकाला आपले जग सर्वांसाठी एक निरोगी आणि आनंदी ठिकाण बनवण्यासाठी प्रेरणा देईल.”
कैवल्यधाम मुंबईचे सहसंचालक, श्री. रवी दीक्षित यांच्या नेतृत्वाखाली आंतरिक जागरूकता सत्राने श्रोत्यांना मंत्रमुग्ध केले. ज्याने सहभागींना मान्यवरांनी सांगितलेले योगाचे सखोल फायदे आणि सजगतेचा अनुभव घेता आला. कैवल्यधामचे मुख्य कार्यकारी अधिकारी श्री. सुबोध तिवारी यांनी कृतज्ञता आणि उत्साह व्यक्त करताना म्हटले की, "या विशेष नाण्याचे प्रकाशन करून, भारताच्या आध्यात्मिक ज्ञानाचे रक्षण करत आणि ते सार्वत्रिकपणे उपलब्ध करून देण्यासाठी संस्थेच्या अग्रेसर प्रयत्नांना आदरांजली वाहण्यासाठी आम्ही भारत सरकारचे आभारी आहोत. हे नाणे संस्थेच्या प्रबोधनात्मक पहिल्या शतकाचे कायम स्मरण करून देत राहील तसेच प्रज्वलित झालेली ही ज्योत स्वत:चे कार्य आणि शिकवणींद्वारे आणखी अनेकांना प्रकाशित करत राहील."
या कार्यक्रमाने उपस्थितांना योगाच्या कालातीत शिकवणुकीबद्दल आणि समकालीन जगामध्ये त्यांच्या उपयोगाचे सखोल कौतुक करून सोडले.
Comments
Post a Comment